Jee rahe ho?

Jee rhe ho?

Thak gye ho?

Chid gye ho?

Iss uljhan mai sulajhne ki koshish kar rhe ho?

Duniya satayi lag rhi hai?

Apne paraye lag rhe hai?

Ya khudi se anjaan ho gye ho?

Ha...Yeh jaanti hu mai

Umeed ke balbute pe jee rhe ho 

Uss khwaaish ko sach banane ki chahat mai

Jee rhe ho

Behisaab, bejijhak, phulon ki tarah khilne ki koshish kar rhe ho

Waapas uss aas ko paane ki raahat mai 

Jee rhe ho 

Phir dobaara uss hasi ke zariye pe 

chalne ke liye jee rhe ho

"Sab theek hai" Nakaab ke saazish mai

Jee rhe ho

Jee rhe ho par pura nhi

tinka tinka bator rhe ho

Geet mai ek awaaz dhund rhe ho 

Banjar raaston mai muskan dhund rhe ho 

Shor mai sukoon dhund rhe ho 

Andhere Mai roshni dhund rhe ho

Jee rhe ho par neendon mai kahaniyan likh rhe ho

Sahi galat ke kisson ko samjh rhe ho 

Mausam ki anjaan aadaton ko samajh rhe ho 

Samajh RHE HO?

TOH SAMJHO !

Kyuki tum jee nhi rhe ho

Bas khud ki Talaash mai 

Zindagi ki kitaab likh rhe ho!